| PSOEk ezarritako salbuespen egoeraren kontrako manifestazioa Santutxun |
|
|
|
| mircoles, 10 de septiembre de 2008 | ||||||
 Goizean bere ideia eta lan politikoagatik Espainiako Auzitegi Nazionalera aitortzera joan behar izana gogor salatu dute arratsaldean Santutxun, Gotzon Amaro auzipetuaren auzoan. Ehundaka laguneko manifestazioak, PSOEri salbuespen egoerarekin amaitzeko eskatzeaz gain, argi utzi dio Euskal Herriak bizi duen gatazka politikoa bide polizialekin ez duela konponduko. Ostiralean arratsaldeko 19:30etan beste kontzentrazio bat egingo da Sabin Etxearen aurrean. [08-IX-10] Amaro se niega a declarar ante Garzón sobre sus ideas y actividades políticas [08-IX-10 Gara] Ezker Abertzalea: "Han convertido en delito ser militante de la izquierda abertzale"  Manifestazioaren bukaeran antolatzaileek inputazio hauekin espainiar gobernuak errepresio basatienaren alde egiten duen apustuaren beste adibide bat dela aipatzeaz gain, Euskal Herrian bizi duen gatazka politikoaren aurrean PSOEren gobernuak bide polizialetan itsutua jarraitzen duela salatu dute. PSOEri leporatu diote salbuespeneko edozein neurri hartzeko prest dagoela Euskal Herriaren independentzia ekiditeko bidean. Jarraian gogoratu diote azken 30 urteetan gatazka politikoaren ondorioz 35.000tik gora pertsona atxilotu dituztela eta, hala ere, ez dute ezer lortu. "Ez dute herri hau garaitzea lortu" adierazi dute. Gotzon Amaro santutxuarra beste bederatzi lagunekin batera goizean joan da Espainiako Auzitegi Nazionalera, EHAKren kontrako auzian Baltasar Garzon epaileak inputatu gisa deituta. Astelehenean bete sei izan ziren, eta sei haiek bezala, gaurko hamarrek uko egin dioten deklaratzeari. "Auzitegi politiko" bat dela argudiatu dute galderei erantzuteari uko egiteko. Auziak aurrera jarraitzen badu ere, Garzonek ez du inputatuen kontrako badaezpadako neurririk agindu. Hala ere, itzultzailearen ahotik auzipetuetako batek auzitegiaren kontra egindako salaketa entzutean epailea haserretu egin da, eta atxilotzeko mehatxua egin dio. Poliziak ere sartu dira aretora, baina atxiloketa gauzatzera zihoazenean atzera egin du Garzonek. Inputatuei "ETAri laguntzea" leporatzen die Garzonek, EHAKrentzako lan egin zutelako.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|