Bilboko konpartsek elkarretaratzea egin dute dute gaur, «erasotzaile guztiei gaitzespena adierazteko», Arriaga antzokiaren aurrean. Bertara ehunka herritar zein konpartsakide bertaratu dira. Alkatea eta PP izan ezik, Udalean azken hauteskundeetan ordezkaritza lortu zuten alderdietako ordezkaritzek parte hartu dute. Emakumeen Mundu Martxarako Plataformak azken egunotako sexu erasoak gaitzetsi ditu, eta horiek eragozteko neurriak har ditzatela eskatu die erakunde publikoei. 

Atzoko erasoa gaitzesteko egindako konzentrazioan pankarta handi bat izan da, honako leloarekin: 'Indarkeria sexistari aurre egin. ¡Ni una más!'. Konpartsetako hainbat ordezkarik eraman dute.

Gainera, bertan bildutakoen artean Aitor Elizegi pregoilaria, Isabel Isazelaia txupinera, Mari Jaia bera eta EAJ, PSOE, ezker abertzalea eta EBko hainbat zinegotzi izan dira. PPk ez du parte hartu indarkeria sexista salatzeko kontzentrazioan. 

Izan ere, bi gizonek sexu erasoa egin zioten atzo goizaldean 15 urteko neska bati, Indautxun. Udaltzaingoak bi gizon atxilotu zituen erasoaren egileak zirelakoan, baina aske laga zituzten gutxira, kargurik gabe. Ertzaintzaren esku geratu da ikerketa; erasotzaileen bila jarraitzen dute. Erasoaren ondoren, biktima Basurtuko ospitalera eraman zuten, baina salaketa jarri ostean etxean dela adierazi du Ertzaintzak.

Herrizaingo Sailaren arabera, goizaldeko 03:00 aldera gertatu zen erasoa. Gaztea etxera itzultzen ari zela harrapatu zuten gizonek, Estraunza kalean; hurbileko karrika batera eraman, eta bortxatu egin zuten. Handik gutxira atxilotu zituzten udaltzainek bi lagun, erasoa egotzita. Ikerketa Ertzaintzaren ardurapean geratu zen ondoren. Haien arabera, atxilotuak erasoaren egileak zirela frogatzeko zantzurik ez zegoen, eta, beraz, kargurik gabe aske utzi zituzten goizean. Hartara, erasoaren egileen bila jarraitzen du Ertzaintzak.

Aste Nagusiari begira, emakumeek jaiak askatasunez bizitzeko duten eskubidea aldarrikatu zuten konpartsek eta Udalak iragan astean. Zehazki, sexu erasoen aurkako sentsibilizazio kanpaina abiatu zuen Udalak, eta konpartsek protokolo berezia jarri dute martxan, baita hainbat mobilizazio antolatu ere. Ez da nahikoa izan. Jaietan jazotako bigarren erasoa da atzokoa. Izan ere, igandean gizon bat atxilotu zuten, emakume bati botila batekin erasotzea egotzita. Beste emakume bati ukituak egitea leporatu zion gizonari erasoa jasan zuen emakumeak.

Comentarios

Añadir nuevo Buscar RSS

Escribir comentario
Nombre:
Email:	No notificar:Notificar:
Website:
Título:
	Por favor introduce el código anti-spam que puedes leer en la imagen.

Powered by !JoomlaComment 3.12

Copyright (C) 2007 Alain Georgette / Copyright (C) 2006 Frantisek Hliva. All rights reserved.