Udal gobernuak Deustuibarra-Zorrotzaurrerako diseinatutako Hirigintza Planak herritarren artean sortutako kezkak areagotu egin dira azken hilabete honetan. Hori dela eta, PP eta PSOE alderdiek atzera egin eta bere garian emandako babesa kendu dute. Bilboko Ezker Abertzaleak positiboki baloratzen du orain dela hiru urte, Abandoibarrarako hirigintza planarekin egin zuten moduan, EAJri zein EBri txeke zuri bat eman zietenek atzera egin izana.

[08-05-14] PSOE y PP se oponen, con tres años de retraso, a la masiva edificación prevista en Deustuibarra

Ezker Abertzalearen esanetan bai PPk bai PSOEk jarrera aldatu behar izan dute interes ekonomikoetan eta negozioan oinarritutako eta herritarren beharrak bete ez zuen hirigintza planak herritarren artean sortutako ezinegonak bultzatuta.

EAJk eta EBk Vicinay, Eurocis eta Metrovacesa enpresa pribatuekin batera aurrera atera nahi duten hirigintza plana jasotzen ari den arbuioa areagotu egin dela ikusita, Ezker Abertzaleak uste du unea heldu dela proiektua gelditzeko eta zonaldeak behar duen eraberritze planaren gaineko debate sozial bat abian jartzeko.

Honen harira Bilboko Ezker Abertzaleak honako proposamen hau luzatu du:

1. Helburua: Deustuibarrako eta zonalde osoko benetako beharrak kontuan harturik eraberritzea auzoa.

2. Ezker Abertzalea ez dago auzoan zerbait egitearen aurka. Nabaria da Deustuibarrak osoko eraberritzea behar duela. Dena dela, hain hirigintza-lan handia izanik, Udalak berak egin eta kudeatu beharko luke, eta ez ekimen pribatuak.

3. Batzorde zabal eta irekia sortu behar da lehenbailehen. Honako hauek izango lirateke batzordekideak:

- Udal gobernua.

- Udal arkitektoak.

- Auzoko elkarteak eta gizarte-eragileak.

- Inguru horretako langileak.

- Deustuko zein San Ignazioko merkatariak.

- Alderdi politiko guztien ordezkariak, inolako esklusiorik gabe.

- Ondare Historikoaren Euskal Elkartea.

GUZTIEK parte har dezaten auzoko beharrak benetan beteko dituen hirigintza-plan baten diseinuan eta segimenduan.

4. Gehienez ere 3.000 etxebizitza eraikitzea, %60 babes ofizialekoak eta alokairu sozialekoak izatea, eta alokairuak ez gainditzea errentariaren soldataren %15. (Indarrean dagoen araudiaren arabera, etxebizitzen %20 soilik izan behar dira nahitaez babes ofizialekoak, baina azken ehunekoa Udalak erabaki dezake.

5. Espazio Libre eta Berdeguneen Sistema Orokorrean parke gisa erabiltzeko berdegune izendatuta dagoen eta EHUri eman dioten Sarrikoko 8.335,72 m²-ko lursailak kalifikazio horri eustea.

6. Sarrikoko fakultatea nahiz EHUren Leioako Campusa Deustuibarra-Zorrotzaurre aldera eramateko aukera aztertzea, eremu hori oraindik banatu gabe baitago.

7. Surbisak bere gain hartuko ez dituen zaharberritze-lanen kostuak hirigintza-planak emango dituen etekinekin ordaintzea. Kontuan izanik hainbat hamarkadatan instituzioek auzoa bazterturik eduki dutela eta sistematikoki eragotzi dutela etxeak konpontzea, ez litzateke bidezkoa izango oraingo biztanleek ordaindu behar izatea kostu horiek.

8. Auzoak Deustuibarra (Deustuko Erribera) izena gordetzea.

9. Auzoko lantegi eta langile guztiei irtenbideak ematea. Horrenbestez, beste leku batera eraman behar badira (poligonoak...), lekualdaketak lantegi eta langileei inolako kosturik ez sortzea.

Comentarios

Añadir nuevo Buscar RSS

JON   | 158.227.16.80 | 2008-05-16 10:28:06 Erabat ados nago puntu guztiekin. Zorrotzaurrek birgaitze bat behar du, hori argi dago, baina garapen jasangarrian oinarritutakoa. Auzokideen ahotsa entzun, auzoaren nortasun historikoari eutsi, benetazko beharrizanei erantzun... hori da egin behar dena! Responder 1   0

Escribir comentario
Nombre:
Email:	No notificar:Notificar:
Website:
Título:
	Por favor introduce el código anti-spam que puedes leer en la imagen.

Powered by !JoomlaComment 3.12

Copyright (C) 2007 Alain Georgette / Copyright (C) 2006 Frantisek Hliva. All rights reserved.