| Bittor Tejedor edozein unetan kanporatua izan daiteke Kanadatik |
|
|
|
| martes, 13 de mayo de 2008 | ||||||
|
Defentsaren errekurtsoa atzera bota du epaileak eta datozen egun edo asteetan espainiar poliziaren esku gera daiteke kanporatua izaten bada. Askatasunak Bittor torturatua izatea arriskuan dagoela salatu du. 2007ko ekainaren 7an Bittor Tejedor Bilbao Bilboko iheslari politikoa atxilotua izan zen Vancouverren, Canadan. Bere aurkako kanporaketa prozesua hasi zen orduan, izan ere estatu espainolak arbitrarioki ekidin baitu extradizioa eskatzea. Kanporaketa prozesua, prozesu administratibo bat den heinean, eta ez prozesu judizial bat, kanporatua den pertsonaren eskubideak larriki urratzen dira. Izan ere, estatu espainiarreko mugak igaro bezain pronto, espainiar segurtasun indarrek atxilotua izateko arriskua du Bittor Tejedor Bilbaok eta salbuespenezko legedi antiterroristaren aitzakiaren pean inkomunikatua izateko arrisku larria dago. Atxilotua izan zenetik, Bittor Tejedor Bilbao preso dago Vancouverreko "Fraser Regional Correctional Centre" espetxean. Hasieratik bizi baldintza gogorrak izan ditu, hauek areagotzen joan direlarik. 2007ko irailaren 26, 27 eta 28an, Vancouverren kanporaketa erabakitzeko bista izan zen. Bi hilabete beranduago, kasuaren ardura zuen inmigrazio ofizialak Bittor kanporatzeko agindua eman zuen. Erabaki honen aurrean eta Estatu espainiarrera kanporatua izanez gero inkomunikatua eta ondorioz torturatua izan daitekeenaren arrisku larria dela eta, defentsak errekurtsoa tarteratu zuen zegokion inmigrazio arduradunaren aurrean. Orain eman da jakitera errekurtsoa atzera bota dela, eta ondorioz, Bittor Tejedor Bilbao datozen egun edo asteetan kanporatua izango da.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|