Hainbat alderdik EAE-ANV alkatetzetatik kentzeko zentsura mozioak bultzatuko dituztela eta, "ilegalizazio paraleloa" bultzatzea egotzi diete hautetsi independentistek EAJ, EA eta EBri. Ekimen horiei "makillaje etikoa" ezarri dietela diote, baina "helburu politikoa" dutela. Hori dela eta, EAJ zuzentzen ari den ilegalizazio paraleloa salatuko dute ostegunean Sabin Etxearen aurrean. Protesta ekitaldia 12:00etan hasiko da. 

"EAJk, EAk eta EBko zuendaritzak, bakoitzak bere diskurtso propioarekin, ez dute PSOErekin eta PPrekin fronte komuna osatzeko zalantzarik izan, ilegalizazio estrategia bultzatzeko. Garzonen tesiak bereganatu dituzte, beren alderdien lege propioa eraiki eta zentsura mozioen bidez inposatuko dute", adierazi dute gaur hautetsi independentistek.

Zentsura mozioen ekimenari "makillaje etikoa" ezarri diotela erantsi dute, baina "helburu politikoa" dutela; hain zuzen ere, estatutuaren erreforma egiteko EAJk eta PSOEk ezker abertzalea eremu politikotik baztertu nahi dutela salatu dute.

Aipatutako ilegalizazio paraleloa salatzeko kontzentrazioa egingo dute urrengo ostegunean Sabin Etxearen aurrean. Protesta ekitaldia eguerdiko 12:00etan hasiko da.

Comentarios

Añadir nuevo Buscar RSS

Escribir comentario
Nombre:
Email:	No notificar:Notificar:
Website:
Título:
	Por favor introduce el código anti-spam que puedes leer en la imagen.

Powered by !JoomlaComment 3.12

Copyright (C) 2007 Alain Georgette / Copyright (C) 2006 Frantisek Hliva. All rights reserved.