| Ertzaintzak istripu bat aprobetxatu du 7katu ixteko eta gazte bat inputatzeko |
|
|
|
| jueves, 10 de abril de 2008 | ||||||
|
Gaur arratsaldean 7katu Alde Zaharreko gaztetxean istripu baten ondorioz, eztanda bat gertatu da, eta ondoren, sute txiki bat piztu da. Nahiz eta gazteek berehala sua itzali, Ertzaintza bertaratu da eta era oldarkor batez Gaztetxearen inguruan zeuden dozenaka gazte identifikatu eta indarrez gaztetxeko ingurutik urrunduarazi dituzte. Ertzaintzak gaztetxea ixteaz gain, Gazte Asanbladako partaide bat biharko deitu du Bilboko epaitegian “epaiketa azkar” bat egiteko. Babesa emateko elkarretaratzea egingo dute epaitegien aurrean arratsaldeko 4etan. 7etan manifestazioa egingo dute Alde Zaharretik. Gaur arratsaldean Alde Zaharreko gaztetxean istripu baten ondorioz, eztanda bat gertatu da, eta ondoren, sute txiki piztu da. Momentu horretan Gaztetxean zeudeen gazteek berehala sua itzali dute. Ondoren, auzokideekin hitz egin dute gertatutakoaren berri emateko. Hala ere, ordurako udaltzaingoa hurbildu da suhiltzaileekin hasiera bateko ikuskapena egiteko aitzakiaz. Hau gutxi balitz, Ertzaintza andana bertaratu da eta era oldakor batez Gaztetxearen inguruan zeuden dozenaka gazte identifikatu eta indarrez gaztetxeko ingurutik urrunduarazi dituzte. Era berean, gaztetxeko kide bat biharko deitu dute epaitegian “epaiketa azkar” bat egiteko, inolako arrazoirik eman gabe. Gazte asanbladak salatu duenez, ikusgarria izan da Ertzainek zabaldu duten dispositiboa, "haientzako egokia zen testuingutu bat sortzeko eta gaztetxea kriminalizatzeko". Izan ere, nahiz eta gaztetxeko kideek gertatutako istripuaren berri eman, ertzainek izugarrizko parafernalia erabiliaz leherketa kasuetarako unitate bereziak bertaratuz. Egoera honetaz guztiaz baliatuz gaztetxea goitik behera miatu eta atea prezintatu dute. Guzti honen aurrean Gazte Asanbladak bi ekimen antolatu du biharko. Arratsaldeko 4etan epaitegien aurrean elkarretaratzea egingo dute inputatutakoari babesa emateko. Arratsaldeko 7etan, berriz, manifestazio bat egingo dute gaztetxearen alde. AURREKO ALBISTEAK: [08-2-23] Zazpi Katu gaztetxearen alde manifestazio jendetsua (Argazki galeria) [08-2-21] 7Katu gaztetxearen huste saiakera salatu eta mobilizatzeko deia egin du BOMek [08-2-18] 7Katu gaztetxea berreskuratu dute gazteek [08-2-18] 7Katuko gazteek mobilizazioa deitu dute arratsalderako (Bilboko Udal Talde Independentistak bidalitako komunikatua eta Argazki galeria) [08-2-18] 7Katu gaztetxea desalojatzen ari dira (Bideoa)
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|
