| Espainiako bandera udaletxeko fatxadatik kentzeko eskatu diote EAJri ehunka bilbotarrek |
|
|
|
| sbado, 05 de abril de 2008 | ||||||
|
Atzo Azkunak eta EAJk Madrilek ezarritako larderiei men egin zieten eta Espainiako bandera jarri zuten udaletxeko fatxadan. Gaur, jendartea kalera atera eta argi utzi du Bilbon Francok ezarritako bandera arrotza dela. Ikurriña bai, Espainola ez izan da ohiurik nagusiena. Argazki galeria barruan
Ehunka bilbotarrek parte hartu dute gaur arratsaldean Espainiako banderaren jartzearen kontrako hirian egin den lehenengo mobilizazioan. Ezker Abertzaleak deituta kalejiran abiatu dira Arriaga plazatik udaletxeraino. Bertan, Ezker Abertzalearen proiektua azken 29 urtetan ordezkatu izan dute bi zinegotzi ohik, Dabi Alonsok eta Arantza Urkaregik hain zuzen, dei berezi bat egin diete EAJren militante eta afiliatuei ez onartzeko Azkunak eta alderdiak hartutako erabakia eta Espainiako bandera udaletxeko fatxadatik kentzea aldarrikatzeko. Biok aipatu dute atzo goizaldean egindakoak agerian uzten duela EAJren klaudikazioa Espainiak ezarritako larderien aurrean. Madrilek utzitako apurren kudeaketarekin jarraitu ahal izateko PSOErekin akordio batera heltzeko beharrak EAJ eraman duela "burua makurtzera eta orain dela 71 urte Francoren armadak odolaz eta suaz ezarritako bandera udaletxean era iraunkor batean jartzera", salatu dute. Bukatzeko dei berezia egin dute astelehenean Bilboko 40 eragilek antolatutako mobilizazioan parte hartzeko.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|