| Erriberako merkatariek kudeaketa batzordeak emandako datuak gezurtatu dituzte |
|
|
|
| martes, 01 de abril de 2008 | ||||||
|
Langileek kudeaketaz arduratzen den elkarteak berriki eginiko adierazpenak zuzendu dituzte eta eraberritze proiektuarekin bat egin duten merkatariak 38 direla, eta ez 83, zehaztu dute. Merkatariek elkartea Azkunaren morroia izango balitz jokatzen ari dela salatu dute baina egoera bideratzeko prest agertu dira. 18 langilek beren postuak utzi beharko dituzte asteon. Erriberako merkatuko merkatarien plataformak Jon Ander Ibarra merkatuaren batzorde kudeatzaileko presidentearen hitzak ezeztatu zituen atzo. Ibarrak esan zuenez, 83 dira dagoeneko merkatua eraberritzeko proiektuarekin bat egin eta exijitutako bermea ordaindu duten langileak. Eraberritzearen aurkako merkatariek onartu egin dute 74 langilek eraberritze lanen gastuak ordaintzeko kontratua sinatu zutela, baina ohar batean zehaztu dutenez, egia da ere 74 horietatik soilik 38k ordaindu zutela, Udalak 2007ko irailaren 5ean egindako planaren arabera, berritze lanak ordaintzeko beharrezkoa omen zen %25,06a. Merkatal elkarteak, Udalaren oniritziarekin, egindako proiektuaren aurrean kritiko agertu diren lagunek azpimarratu nahi izan dutenez, merkatarien eta elkarte emakidunaren artean sinatutako kontratuak baliozkoak dira, "berdin balio dute dendariak merkatutik kaleratzeko zein kontratuak murrizteko". Era berean, merkatarien sektore horrek uste du ez dela onargarria batzorde kudeatzaileko presidenteak esatea zenbait merkatarien egoera ez zela aurrera egiteko lain ona eta horregatik beren postua uztea nahiago izan dutela. 18 postu gutxiago Bestalde, 18 lagunek beren postua itxi behar izango dute asteon. Horren harira, merkatarien plataformak adierazi du langile horiek eraikinaren barruan lanean jarraitu ahal izando luketela, egoera beste bat izando balitz. Plataformak salatu duenez, kalean gelditu diren lagun horiei dokumetu bat sinatzera behartu zituzten, eta dokumentu horiek ordaintzen ez zutenek kalera zihoazela ezartzen zuten. Nolanahi ere, merkatuaren etorkizuna kolokan ikusten dutenen aurrean plataformak argi utzi nahi izan du egoera oraindik konpon daitekeela, Azkunak merkatuaren eraberritzea bideratzeko ultimatuma eman duen arren. "Beti eskatu izan dugu Udalak berak izatea erriberako merkatuaren kudeaketaren eta eraberritzearen ardura" eta merkatarien ekarpen ekonomikoa beren soldaten araberakoa zatea exijitu dute. "Guk ez dugu zertan Udalaren eraikinik ordaindu", gaineratu dute.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|