| Ehunka lagunek abstentzioa eta boikoterako deia zalbadu dute gaurko mobilizazio egunean |
|
|
|
| jueves, 06 de marzo de 2008 | ||||||
|
Ehunka lagunek parte hartu dute hainbat auzotan gaur arratsaldean burutuako abstentzioaren aldeko mobilizazio egunean. Uribarrin egondako mitinean hauteskunde antidemokratiko hauetan bozkatzea salbuespen egoerari botoa ematea dela azpimarratu dute independentistek. Bihar kanpaina bukaera Bilbon izango da. ARGAZKI GALERIA
Uribarriko eskoletako plazan egindako mitinean Txetxu Rojok argi utzi du martxoaren 9ko hauteskunde antidemokratiko hauetan botoa ematea, salbuespen egoerari botoa ematea dela, tortura babestea dela, eta iruzur berri bati ateak irekitzea dela. "Izan ere, hauteskunde hauetan parte hartzea esaten ari garen guztiari babesa ematea da, hauteskunde antidemokratiko hauei zilegitasuna ematea da, eta horregatik egiten dugu abstentzio aktiborako eta boikoterako deia". Abstentzioaren eta boikotaren bidez, jarraitu du Rojok, "euskal herritarrok ezetz esan behar diogu Estatu faxistari eta bere Konstituzioari; ez iruzur politiko berri bati; ez ukazioan eta inposizioan oinarritutako ziklo berri bati; Eta abstentzioaren eta boikotaren bidez, baietz esan behar diogu Euskal Herrian marko demokratikoa eraikitzeari; bai erabakitze eskubidean oinarritutako lau herrialdeetarako autonomiari; eta, batez ere, eta ezer baino lehen; bai independentzia egi bihurtuko duen Euskal Estatuari". Honetaz gain, PSOEk ezarritako salbuespen egoera salatzeko ehunka herritarrak kalera atera dira San Ignazion, Deustun, Santutxun, Indautxun, Errekalden eta Zorrotzan egindako mobilizazioetan.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|
