| Kolonbiako armadaren eta paramilitarren biktimen aldeko martxa |
|
|
|
| mircoles, 05 de marzo de 2008 | ||||||
|
Kolonbiako errefuxiatu eta etorkinen "Martxoak 6" plataformak mobilizazio bat antolatu du biharko Kolonbiako armada eta paramilitarren biktimekiko elkartasuna adierazteko. Martxa arratsaldeko 7etan aterako da Arriagatik eta Kolonbiako kontsulatuaren aurrean bukatuko da. Deialdiak Euskal Herriko zenbait alderdi eta eragile sozialen babesa jaso du. Kolonbiako armadaren eta paramilitarren erasoen ondorioz, lau milioi lagunek beren etxeetatik ihes egin behar izan dute. Horretaz gain, gatazka hasi zenetik, 15.000 lagun hil eta hobi komunetan lurperatu edo itsasora bota dituzte. Horietatik 1.700 indigenak ziren, 2.550 sindikalistak eta 5.000 bat Batasun Patriotikoa alderdiko kideak. Kolonbiako Estatu Krimenen Biktimen Mugimendu Nazionalaren datuak dira. Erakundeak hainbat talderen sostengua jaso du nazioartean, eta biktimen omenezko manifestazioak antolatu dituzte biharko. Euskal Herrian Bilboko Arriaga Plazatik abiatuko da manifestazioa, arratsaldeko zazpietan, eta Kolonbiako kontsulaturaino joango dira. Beste hainbat herrialdetan ere egingo dituzte elkarretaratzeak.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|