| Prozesu judiziala zabaldu dute 20 gazteren kontra Erriberako eraikina okupatzeagatik |
|
|
|
| martes, 04 de marzo de 2008 | ||||||
|
Goizeko 9etan hasi dira gazteak epailearen aurrean deklaratzen. Inputatutako gazteek azaldu dutenez lehengo fase honetan epaileak erabaki lezake desalojo prebentiboa agindu edo ez. Kanpoaldean gazteek prentsaurrekoa eskaini dute. Bertan azaldu dituzte Erriberako kaleko 4. eta 5. zenbakiak okupatzera eraman zituzten arrazoiak. Alde batetik, azaldu dute, bizi proiektu duin bat garatzeko beharrezkoa zaien etxebizitza bat eskuratzea eta bestetik, gaur egungo etxebizitzaren arazoa salatzea. Izan ere, gaur egun gazteoi etxebizitza bat eskuratzea ezinezkoa zaien bitartean, Bilbon 16.000 etxe huts daude. Egoera honen aurrean, salatu dute, argi geratu dela instituzioen geldotasuna eta ezintasuna arazoan eraginkortasunez eskuhartzeko. Bi hilabete hauetan lanean ibili hainbat gazte etxea berrabiltzen eta garbitzen. Esan beharra dago etxe hau 10 urte baino gehiago zeramatzala hutsik eta beraz, eraikinaren egoera penagarria zela. Halere, denbora honetan zehar gazteek etxeari bizitza eman diote bai bertan lan eginez baita auzokideekin elkartasun eta laguntza sareak sortuz. Bukatzeko, Bilboko Okupazio Mugimenduak etxe bat ordaintzeko ezintasuna duten guztioi okupatzera animatu izan dute. Elkartzenek gogor salatu du gazteen zitazio berri hau, eta etxebizitza eskubidea aldarrikatu izanagatik gaizkile moduan tratatzea ere salatu du.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|
