| Epaileak 20 gazte deitu du aitortzera Erriberako eraikineko okupazioan parte hartzeagatik |
|
|
|
| lunes, 03 de marzo de 2008 | ||||||
|
Gazteak bihar aurkeztu beharko dira epailearen aurrean. Horren harira gazteek okupazioaren aldeko atxikimenduak biltzeari ekin diote. BIDEOA Abenduaren 28an Arriaga atzean kokaturiko Erribera kaleko 4. eta 5. zenbakietako eraikina okupatu zuten hainbat gaztek. Berau, etxebizitza eskubidearen bermatze bidean eman beharreko pausotzat hartu zuten hasieratik. Orduz geroztik, berriketa lanak burutu dituzte eraikin osoan, fatxada garbitu eta margotu, barruko patioa atondu eta logelak zein gune komunak erabilgarri ipini.
Beraien esanetan, alboan bizi diren bizilagunekin harreman egokia izan dute hasieratik. Eurekin harremanetan jarri izan dira eta auzokideek pairatzen duten egoerarekin -irtenarazte arriskua, alegia- gazteen elkartasun osoa adierazi diete. Dagoeneko 20 lagunek hartzen dute parte Erriberako etxe okupatuaren alternatiban. Autogestioan oinarritutako proiektu hau, Bilboko okupazio mugimenduaren laguntzaz aurrera jarraitzen du. Hala ere, dagoeneko HORMIBAL izeneko etxebizitza-sustatzaileak abiarazitako denuntziak bere horretan jarraitzen du, nahiz eta tratu moduan haien sasi dirua eskaini dien gazteei.Bihar abiaraziko den prozesu judizialaren aurrean, era masibo eta kolektiboan aurre egingo diotela adierazi dute gazteek. “Etxebizitzaren inguruko gatazkan aurpegia emateko garaia heldu delako”, aipatzen dute. Honen aurrean, mobilizatzera eta borroka honetan atxikitzera deitzen diete auzoko eta hiritar guztiei. Ekimen honen bidez, behin betiko aurpegiratu nahi diete instituzio ezberdinetako buruei, alternatibak osatzen gazteak eraginkorragoak direla, ez dietela ezer sor ez eta ematerik, agerian utzi nahi dute.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|
