| Zabalgarbi, bigarren lerroa inposatzeko prest |
|
|
|
| mircoles, 13 de febrero de 2008 | ||||||
|
Zabalgarbiren sorreran gertatu bezala, Europa osoan zehar errauste planten inguruko eztabaida eta kontrako hitzak entzuten ziren bitartean, Bizkaiko Foru Aldundiak errauste plantaren bigarren lerroa era inposatuan eta inongo eztabaida sozialik gabe eraikitzearen aldeko apustua egin du. Nahiz eta lehen lerroaren sorreratik ona ugariak izan diren errausketa plantaren aurka entzundakoak, ez dirudi bigarren lerroaren eraikitzeak etenik izango duenik. Bizkaiko Aldundiko Ingurumen Saileko diputatu den Josu Madariaga jeltzalearen hitzetan 2011 edota 2012 urteetan jarriko baita martxan “Bilboko udalak erraustearen aldeko edo kontrako erabakia hartuta ere”. Egun bere hondakinak Artigasko zabortegira eramaten dituen Bilboko udalari presio egiten diola Diputazioak hondakinok Zabalgarbiko labeetara eraman ditzan. Zabalgarbik labe berria eraiki nahi du, gaur daukan ahalmena handitzeko, eta horretarako zabor gehiago erakarri nahi du kiskaltzeko. Dagoenekoz Getxoko udalerriko hondakinak bertara bideratzea lortu du, eta hurrengo urratsa Bilbokoak bereganatzea litzateke. Guzti honen aurrean, eta azken hilabeteotan Gipuzkoako San Markos-eko mankomunitatean gertatzen hari den bezala, hiri hondakinak kudeatzeko alternatiba ezberdinen aldeko apustua egin da hainbat esparru eta sektoretatik, EAE-ANV, LAB eta Ekologistak Martxan taldea kasu. Ekologistek sarritan azaldu dute beraien kontrako iritzia proiektu honen aurrean “dirua neurrigabe xahutzea ekarriko baitu birziklatu daitekeen hainbat material erreaz, eta baita erraustegiaren gelditze zein hondatzeak direla medio ”. Aipatzekoa da, 2006.urtean Zabalgarbik bi hilabetetik gora eman zituela martxan egon gabe bertan emandako matxurak zirela eta. Ingurugiroari zein arlo ekonomikoari begirako “zentzugabekeri erraldoi“ gisa definitu dute proiektua, eta konpostatzearen alde agertu da talde ekologista “zaborretik ateratzen diren materialei probetxua emateko garaia baita”. Bigarren lerroaren eraikitzeak 132milioi euro eta hiru urteko lanak suposatuko ditu.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|