| Kaskagorri Aste Nagusitik kanporatzea nahi du PPk |
|
|
|
| martes, 29 de enero de 2008 | ||||||
|
Hori eskatuko du, hain zuzen ere, Antonio Basagoiti buru duen udal taldeak datorren ostegunean egingo den udalbatzan. Jai Arautegiaren 27. artikulua ezarri eta Bilboko Gazte Mugimenduaren Konpartsa jaietatik kanpo uzteko proposamen bat aurkeztu dute popularrek. Alderdi Popularrak aspaldi hasi zuen ezker abertzaleari lotutako konpartsen kriminalizazioa eta osteguneko udalbatzan aurkeztuko duten proposamena estrategia horren azken pausoa baino ez da. Joan den urrian Kaskagorriko eta Gaztesareako (Kaskagorriren webgunea ostatatzen duen ataria) kide bana Auzitegi Nazionalera deitu zituzten Dignidad y Justicia elkarte ultraeskuindarrak jarritako salaketaren harira. Kasu hartan euskal preso politikoen aldeko ekitaldia egin izanagatik eta presoen argazkiak txosnan jartzeagatik "terrorismoa goratzea" leporatu zieten. Kasu honetan ere, gauza bera jartzen du aitzakiatzat PPk, konpartsa horretan "terrorismoa defendatzen" dutela, alegia.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|