| Garikoitz Aspiazu La Santen espetxeratu dute |
|
|
|
| viernes, 21 de noviembre de 2008 | ||||||
 Amnistiaren aldeko mugimenduak azaldu duenez, Garikoitz Aspiazu Santutxuarra eta berarekin batera atxilututako Leire Lopezek ez zuten epailearen aurrean deklaratu nahi izan eta hark bi euskal herritarrak espetxeratzeko agindu zuen. La Santen kartzeleratu zuten Aspiazu. Errepresioa salatzeko manifestazio bat antolatu dute arratsalderako. Mobilizazioa 8etan abiatuko da Karmelotik. Aspiazuren aurka bi sumario daude irekita. Alde batetik, "gaizkile talde"ko kide izatea egozten zaio atxiloketa unean armak eta dokumentazio faltsua zeramatzalako. Bestetik, Capbreton-eko tiroketaren sumarioan agertzen da baina ez parte hartzaile bezala. Alegia, epaitegi frantsesen arabera santutxuarrak z zuen parte-hartze zuzena izan Capbreton-eko gertaeretan eta ez dago auzi horretan inputatua. Bestalde, amnistiaren aldeko mugimenduak esan duenez, bi atxilotuek gezurtatu egin dute haxixa aurkitu zietenik eta sumarioetan ere ez da hori ageri. "Rubalcabak asmatu duen gezur handi bat da", salatu du.
Gezurrak agerian Amnistiaren aldeko mugimenduaren iritziz, "piskanaka agerian geratzen ari da operazio honen atzean dauden interes politiko argiak. Gezurrak asmatuz, operazio mediatiko handi bati bidea irekitzen saiatu da Rubalcaba, inongo sumariotan agertzen ez diren akusazioak baieztatuz", adierazi du. Barne Ministerio espainolaren bulegoetan atxiloketa hauen harira "gidoi oso bat asmatu" dutela salatu du, eta "egunez egun etorri zaizkigu gezurrez beteriko kapitulu berriak". Horretarako, Perez Rubalcabak komunikabide espainol handien laguntza izan duela nabarmendu du, "objetibotasunari muzin egin eta haren bozgorailu bihurtu direlarik". Gainera, "benetan tamalgarritzat" jo du Euskal Herriko "kazetari ugari gidoi honetan bete-betean sartu izana, informazio iturri fidagarririk izan ez eta Madrildik gidaturiko espektakulu mediatiko honetan bete-betean parte hartu baitute". Gara-tik hartutako notizia [08-11-18] Kalera atera dira berriro ere Santutxun irtenbide demokratikoa eskatzeko [08-11-17] Errepresioa ez dela bidea ozen aldarrikatu dute Santutxun ehunka herritarrek
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|