| "Santi Brouardek eta Josu Muguruzak bi erreferente politiko izaten darraite" |
|
|
|
| lunes, 17 de noviembre de 2008 | ||||||
 Horrela mintzatu da gaur goizean Tasio Erkizia Santi Brouard eta Josu Muguruza GALek eraildako bi buruzagi abertzalei aurtengo omenaldiaren berri ematean. Ostegunerako manifestazioa deitu dute, 19:30etan Santiren kontsultatik abiatuta (Errekalde zumarkalea 12). Goizean lore eskaintza bana egingo dute Errekalden, 11etan eta Ametzolan, 12etan. Ezker abertzaleko ordezkaritza zabal batek gaur goizean aurkeztu du ostegunerako GALek eraildako Santi Brouard eta Josu Muguruza buruzagi independentistei omentzeko aurtengo ekitaldiak. Ostegun goizean, azaroaren 20an, lore eskaintza bana egingo dute Errekalden (11:00etan) eta Ametzolan (12:00etan). Arratsaldean manifestazio bat egingo dute GALen sorreran erantzukizun politikoak izan zituen PSOE alderdiak Bilbon okupatzen duen egoitzatik. Mobilizazioa arratsaldeko 7:30etan abiatuko da eta ostean ekitaldi politikoa egingo dute Areatzan. Gaurko agerraldian argi utzi nahi izan dute bai Santi Brouardek bai Josu Muguruzak bi erreferente politiko izaten darraitela, "herri honentzat irtenbide demokratikoa lortzeko erakutsi behar dugun irmotasuna eta determinazioaren eredu direlako", Tasio Erkiziaren esanetan.  Garatik hartutako argazkia (Jon HERNÁEZ/ARGAZKI PRESS) www.gara.net Elena Bartolomérekin eta Edurne Brouardekin batera, Erkiziak estatu krimen horiek salatu ditu eta justizia exijitu du. Memoria historikoa hainbeste aipatzen den une honetan zilegia iruditzen zaie indepedentistei erailketa horietan Espainiako estatuaren goi ordezkariek izan zuten erantzukizuna ikertzea eta ardura politikoa asumitzea. Erkiziak PSOEren gobernuak bi hilketa horietan erantzukizun zuzena izan zuela argi utzi ondoren, salatu du ardura garrantzitsuak izan zituztenak epaituak ez direla izan. "Are gehiago, gaineratu du, oraindik postu politikoetan darraite". Jardunaldiak Indautxun Indautxuko Kirruli elkarteak hainbat ekimen egingo du Herriko Tabernan data garrantzitsu honen inguruan. Asteartea 18, bideo-forum arratsaldeko 7etan Asteazkena 19, hitzaldia 19:30etan Xabier Oleaga, Espainiako estatu terrorismoaren kaltetuarekin; Iñaki Goioaga, abokatuarekin; eta Tasio Erkizia, ezker abertzaleko militantearekin.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|