| Oihana Bartra eta Arkaitz Estiballes, Bilboko ordezkaritza finalaurrekoan |
|
|
|
| lunes, 10 de noviembre de 2008 | ||||||
|
Bizkaiko Bertsolari Txapelketako finalaurrekoak amaitu dira. Atzo Zaldibarren bosgarren eta azken kanporaketa egin zuten, eta Mikel Galarzak ez zuen nahiko puntuaziorik lortu finalaurrekoetara pasatzeko. Aparteko giroaz gozatu ahal izan zuten Zaldibarreko frontoian bertsoak entzuteko bildu ziren 600 lagunek. Iturriagak lortutako aldea garrantzitsua izan zen. Honek 453 puntu lortu zituen, San Ignazioko Mikel Galarzak, berriz, 309 puntu lortu zuen eta kanpoan gelditu da. Gainerako bertsolariak Iturriagak txartela lortu arren, bigarren izandako Uribe ere finalaurrekoan izango da puntuazioa dela-eta. Berarekin batera, puntuei esker ere, Jone Uria, Eñaut Intxaurraga, Joseba Artza, Gorka Ostolaza eta Jabier Olibares egongo dira. Kanporaketetan irabazle izan eta, ondorioz, zuzenean sailkatu direnak Eneko Abasolo Abarkas, Igor Elorza, Oihana Bartra santutxuarra eta Miren Amuriza dira. Finalaurrekoan arituko diren bertsolari taldea aurreko urteko finalistek osatzen dute. Hauek Fredi Paia, Ibon Ajuria, Iratxe Ibarra, Onintza Enbeitia, Atxuriko bizilaguna den Arkaitz Estiballes, Xabi Paya eta Etxaun Lekue dira. Hurrengo hitzorduak Hurrengo hitzorduei dagokienez, datorren igandea salbu, hurrengo igandeetan burutuko dira. Lehena, Gernikako Jai Alai frontoian egingo dute hilaren 23an. Hurrengo astean, hots, azaroaren 30ean, Markinaren txanda izango da, Xemeingo frontoian, hain zuzen. Azken finalaurrekoa abenduaren 7an Getxoko Santa Eugenia Plazan jarriko duten karpa batean egingo dute. Finala, bestalde, abenduaren 20an egingo da BECen arratsaldeko 17.30etan. Dagoeneko, hitzordu honetarako sarrerak salgai daude, telefonoz eta Internet bidez (www.botasarean.biz eta www.bertsozale.com) edo BBKren kutxazainetan. Informazio gehiago: botasarean.biz
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|