| Manifestazioa deitu dute ostiral honetarako etxebizitza eskubidearen aldeko baterajotzearen barruan |
|
|
|
| mircoles, 09 de enero de 2008 | ||||||
|
Bizkaiko Gazte Asanbladek eta etxebizitzaren aldeko eragileek urtarrilaren 11n Guggenheimetik abiatuko den martxan parte hartzeko deia egin dute. Baterajotzearekin lotutako ekimenen artean hainbat gaztek eraikin bat okupatu zuten abenduaren 28an Erriberan. Bizkaiko Gazte Asanbladek eta etxebizitzaren aldeko eragile ezberdinek etxebizitzaren aldeko baterajotzearekin bat egin eta manifestazioa deitu dute Bilbon datorren ostiralerako, urtarrilaren 11rako. Manifestazioa Guggenheimetik abiatuko da arratsaldeko 19:30tan. Martxa koloretsua, masiboa eta partehartzailea izango da, aldi berean, "erantzuleen salaketarako tartea izango duena". Gazte espresio ezberdinek ere lekua izando dute, beraz, Bizkaiko Gazte Asanbladek deialdia egiten diete gazte asanblada eta talde ezberdinei (batukada taldeak, kaleko joleak, hankapaloak, kale antzerkia, eta abarrei) bat egitera.
Era berean, Euskal Herriko beste hainbat tokitan ekimen ugari egin dituzte etxebizitza eskubidea aldarrikatzeko Gaztetxe eta Gazte Asanbladen koordinadoraren deiari jarraituta. Euskal Herriko Gaztetxe eta Gazte Asanbladen koordinadorak dioenez, "argi dago, gaur egun, Euskal Herrian etxebizitzarekin arazo larria dugula, merkatuaren salneurriek etxebizitza duin baterako sarrera ukatzen digutela. Kalean gauden bitartean, Euskal Herriko etxebizitzen %19ak (245.422 etxe) hutsik jarraitzen du." Izan ere, arazo hori ez da "kasualitatea", euren aburuz. Eskubide bat "negozioan bilakatzearen ondorioa da", hain zuzen ere. Sistema kapitalistak "denon beharren" ordez gutxi "batzuen aberastasuna" bultzatzen du, mobilizazio eguna antolatu dutenen iritziz. Horrez gain, etxebizitza eskubidea lortzeko, etxebizitza bat lortzeko, gazteek beren soldataren zatirik handiena bideratu behar dutela salatzen dute eta, lan horiek, gehienetan, baldintza prekarioetan gauzatu behar izaten dituzte.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
Aurretik, hainbat ekimen burutu dituzte baterajotze honekin lotuta. Azken adibidea Erriberan, Bilboko erdigunean, okupatutako eta jada bi aste bete dituen 
| < Anterior | Siguiente > |
|---|
