| Hizkuntza ereduen politikan iruzur egin ez dezan eskatu zioten atzo PNVri ehun bat herritarrek |
|
|
|
| mircoles, 05 de noviembre de 2008 | ||||||
 Sabin Etxearen aurrean ehun bat lagun bildu ziren atzo Euskal Herriak Bere Eskolak deituta “PNV iruzurrik ez! Eskolak euskaldundu behar du” lelopean. Arrazoi ugari zituzten bertan egoteko. Eskolak Euskalduntzea nahia, beharra eta eskubidea da, baina Euskararen Legea onartu zenetaik –duela 26 urte-, 400.000 ikasletik gora gelditu da euskara ezagutu gabe. Eusko Jaurlaritzak 400.000 kasutan urratu du Eusko Jaurlaritzak euskalduntzeko eskubidea eta EHBEko kideen ustez, egoera horrek erantzule nagusi bat dauka: EAJ-PNV. “EAJ-PNVren label abertzaleagatik ez balitz ez litzateke posible izango EAEn hainbeste urtetan hizkuntza ereduen politika iraunaraztea ez eskuin espainolak ez eta PSOEk ere beraiek bakarrik ezin izango luketelako lege hori abiarazi eta gutxiago mantendu”, azpimarratu dute EHBEkoek eta herri mugimenduaren urteetako lanaren ondorioz, EAEn epe motzean sakoneko aldaketa bat egiteko baldintzak badaudela gaineratu dute. Tontxu Camposek zuzentzen duen Hezkuntza Sailak hizkuntza ereduen inguruan proposamen bat aurkeztu zuen irailean eta EHBEkoen iritziz, PNVk bere esku zegoen guztia egin du bere gobernukidearen proposamena zapuzteko. “Hezkuntza sailaren proposamena malgua, zehazgabae eta hutsunez betea izan arren –adierazi dute EHBEkoek- gutxienez, ateak irekita utzi zizkien eragileei, ekarpenak egin zitzaten”. Gauzak horrela, egoera oso larria dela azpimarratu dute EHBEko kideek izan ere, “egun dagoen legea mantentzeak 26 urtetako hizkuntza eskubideen zapalketa iraunaraztea esan nahi baitu”. Hurrengo egunetan, PNVren Batzoki guztietan EHBEren gutuna jasoko dute, afiliatu euskaltzaleek alderdiaren zuzendaritzari presioa egin diezaioten.
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|