| Del Rey langilearen heriotzaren salaketa Batzar Nagusietara eraman du EAE-ANVk |
|
|
|
| mircoles, 09 de enero de 2008 | ||||||
|
Carlos del Rey Molinedo langile gazte bilbotarraren heriotza dela-eta, Bizkaiko Batzar Nagusietako EAE-ANV taldeak lan istripuei buruzko Arauz Besteko Proposamena aurkeztu du, Interbiak enpresa publikoak azpikontratatutako Ceprenor konpainiako langilea zela kontuan hartuta. Haren bidez, «gertatutakoa argitzeko, eta laneko segurtasuna bermatzeko hartu beharreko neurriak zenbateraino betetzen diren aztertzeko espedientea abiaraz» dezala eskatu diote foru aldundiari, eta Ceprenor enpresak Laneko Arriskuen Prebentzioko Legea ez duela bete erabakiko balitz, Interbiak-ek harekin duen kontratua bertan behera utz dezala proposatu diote. Hildakoaren familiari eta lagunei elkartasuna adierazi, eta laguntza emateko ere eskatu dute Arauz Besteko Proposamenaren bidez. Lan istripu gehiagorik ez izateko, «biderik emankorrena enpleguaren kalitatea bermatzea» dela dio EAEk. Hala, administrazioak «azpikontratazioa desagerrarazteko neurriak hartzea» eskatu dute, baita ere, desagertu bitartean, formula horrekin ari diren enpresei exijitzea lan baldintza duinak bermatu eta Laneko Arriskuen Prebentzioko Legea bete dezatela. Horregatik guztiagatik, Baldintza Teknikoen Agirian, «lan istripua dagoenean, kontratua bertan behera geratuko da» klausula gehitzea ere eskatu dute
Powered by !JoomlaComment 3.12 Copyright (C) 2007 Alain Georgette / Copyright (C) 2006 Frantisek Hliva. All rights reserved. |
||||||
| < Anterior | Siguiente > |
|---|