Nazio Eztabaida Guneak azaroaren 8an ospatuko du eh´2008ko Nazio Eztabaida, Euskal Herria burujabetzara eramango duen nazio estrategiaren gainean eztabaidatu eta datozen hilabeteetarako erronka zein proiektu zehatzak adosteko helburua duen saioa. Antolatzaileek, eztabaidan sakontzeko, harreman eta kontaktu dinamika garatzen ari dir aurrian zehar, eta herritarren parte hartze eta ekarpenak bideratzeko Ekarpen Foroak antolatu dituzte herrialde guztietan. Bilbon asteazkenean bilduko da arratsaldeko 7:30etan La Bolsa Alde Zaharreko auzo etxean. 

Eztabaidarako dokumentuak

Alberto Arenal Uribarriko auzokideak 6 urteko espetxe zigor eskaerari aurre egin behar zion duela lau urteko Bilboko Inauterietan Udalak konpartsen desfile herrikoia legez kanpo utzi ondoren gertatutako istiluetan parte hartzeko akusaziopean. Astelehenean epaia kaleratu zuten eta absolbituta gelditu da istiluetan parte hartu zuela frogarik ez zeudelako.

Iñaki Peña eta Rafa Caride Bilboko preso politikoak itxialdi rotatiboak burutzen ari dira Texerioko espetxean (A Coruña-Galiza) espetxeko zuzendaritzak beste euskal preso bati, Hodei Ijurkori alegia, ezarri dion isolamendua salatzeko.

Jaengo (Andaluzia, Espainia) espetxean preso daukaten Ana Lizarralderen senideek istripua izan zuten atzo bisitara bidean. Autoan zihoazen lau lagunak onik daude, Etxerat-ek jakinarazi duenez.